Со новогодишна програма за најмладите, почна новогодишниот дочек на градскиот плоштад во Прилеп.
Децата ги забавуваа „Јунаците од бајките“ од народниот театар „Војдан Чернодрински“ и музичката група „Нокаут“.
Вечерниот новогодишен дочек на плоштадот Методија Андонов Ченто е предвидено да почне во 22.30 часот, со настапот на групите „Белинда“ и „Шило“, а по предвидениот огномет на полноќ ќе настапат диџеите „Д мод“ (The Mode).
Прилепскиот градоначалник Марјан Ристески на сите граѓани им ја честита Новата година со желби за здравје, среќа и за просперитет.
