!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

На Глобалниот бизнис-форум на „Блумберг“, Заев ќе се сретне со Хан и со Могерини


       
Њујорк, 20 септември, 2017 - 10:33 (META) 

Премиерот Зоран Заев, во рамките на активностите за време на Генералното собрание на ОН, денеска ќе учествува на Глобалниот бизнис-форум на „Блумберг“, на кој ќе учествуваат шефови на држави и на влади, како и претставници на најголемите светски компании, информираат од владината прес-служба.

Во текот на денот, Заев ќе има средба со еврокомесарот за проширување на ЕУ, Јоханес Хан, а ќе присуствува и на вечерата што ја приредува високата претставничка за надворешна политика и за безбедност на Европската Унија, Федерика Могерини.

Заев ќе присуствува и на приемот во организација на премиерот на Хрватска, по повод 25-годишнината од членството на оваа земја во ОН.