На 17 април Германија ќе одржи комеморација за жртвите од несреќата на „Џерманвингс“


       
Бон, 28 март, 2015 - 13:18 (META) 

На 17 април Германија ќе одржи национална комеморација и помен на жртвите од авионот на германската компанија „Џерманвингс“, кој со 150 патници и членови на екипажот се урна на француските Алпи, соопштиле денеска властите на Северна Рајна Вестфалија, пренесуваат агенциите.

Церемонијата ќе биде одржана во Катедралата во Келн, во западниот дел на Германија, од каде потекнуваат најголем број од жртвите, а на неа ќе присуствуваат канцеларката Ангела Меркел и германскиот претседател Јоаким Гаук.

Граѓаните на Северна Рајна Вестфалија, од каде потекнуваат 50 од 72 од германските жртви во авионската несреќа, во четвртокот со едноминутно молчење им одадоа почит на загинатите во падот на авионот.

Германија последен пат поради национална трагедија тагувала во 1998 година, кога во железничка несреќа загинаа 101 лице.