fbpx

МВР регистрираше поткуп на гласачи, гласање за друг и кражба на гласачко место

-

МВР преку соопштение до медиумите информираше дека до 14 часот нема регистрирани посериозни нарушувања на јавниот ред и мир во текот на изборите. Од почетокот на гласањето до 14 часот, до МВР пристигнале 26 пријави за изборни нерегуларности, меѓу кои и за поткуп на гласачи, носење гласачи на избори, фотографирање гласачко ливче, како и за гласање за друг.

Од МВР соопштија дека осум пријави се веќе расчистени и се отфрлени како неосновани, а во два случаи идентификувани се лицата за кои се однесуваат пријавите и се работи на целосно расчистување на тие пријави.

„Во Струга, идентификувано е лице кое вршело поткуп на гласачи и се прават консултации со надлежен јавен обвинител при ОЈО Струга, а во Кавадарци едно лице е лишено од слобода бидејќи гласало и во име на својата сопруга и се работи на расчистување на случајот. За физичката пресметка во Бутел, против двете лица ќе бидат поднесени прекршочни пријави. Против С.А. (36) од Скопје е поднесена кривична пријава затоа што вчера понудила поткуп од 1.000 за гласање за одредена политичка партија. Во Шуто Оризари во основното училиште „26 Јули“ била извршена кражба кога непознат сторител украл паричник од женска чанта“, информираат од МВР.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...