Претседателот на Зимбабве, Роберт Мугабе, се согласил да се повлече и составил писмо во кое ја дава својата оставка, јави телевизијата „Си-ен-ен“, повикувајќи се на воени извори вклучени во преговорите во Хараре.
Според одредбите од договорот, Мугабе и неговата сопруга Грејс, ќе добијат целосен имунитет, но други детали засега не се откриваат.
Владејачката Африканска национална унија на Зимбабве – Патриотски фронт (ЗАНУ-ПФ) му даде рок на Мугабе да се повлече до денеска напладне по локално време.
Разрешувањето на поранешниот заменик-претседател, Емерсон Мнангагва, и обидот на Мугабе да ја постави својата сопруга Грејс на чело на државата, предизвикаа реакција од страна на армијата.
