!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Момче нападнато и ограбено во Жена-парк


       
Скопје, 7 октомври, 2017 - 12:11 (META) 

Дваесет и едногодишниот скопјанец Д.П. вчера, околу 19:50 часот, бил физички нападнат и ограбен во паркот Жена-борец.

Како што соопшти МВР, десетина непознати лица извршиле насилство над момчето, при што физички го нападнале, удирајќи го со тупаници и со клоци, по што побегнале, а Д.П. забележал дека му го нема и рачниот часовник.

За настанот известени се инспектори од Единицата за насилен криминал и се преземаат мерки за пронаоѓање на лицата.