Високата претставничка за надворешна политика и за безбедност на Европската Унија, Федерика Могерини, на вчерашниот самит за Западен Балкан во Париз изјави дека проширување на ЕУ ќе продолжи и важно е европските институции да бидат кредибилни во тој процес.
„Овој самит е важен и за нашата безбедност, бидејќи миграциската криза уште постои и ризикот од радикализација во регионот н è обврзува да работиме заедно. Ова е важен состанок тука и ќе работиме и на дневно ниво за да го направиме овој процес реалност за секоја од шесте земји од Балканот“, рече Могерини.
