Со завршувањето на мандатот на постојаниот претставник на Меѓународниот монетарен фонд (ММФ) во Република Македонија, Патрик Гитон, ММФ нема да назначи нов претставник на негово место.
– Локалната канцеларија на ММФ ќе продолжи со својата работа во Македонија со што и понатаму ќе се одржи силното присуство и протек на комуникација помеѓу ММФ и земјава. При донесувањето на оваа одлука, ММФ го зема предвид фактот дека засиленото присуство во земјава не е приоритет во момент кога нема активна програма на ММФ во Македонија – се вели во објаснувањето на ММФ.
Оттаму информираат дека Меѓународниот монетарен фонд и понатаму ќе продолжи со одржување на основната мисија, односно надзор на макроекономските развои и политики, вклучително и обезбедување техничка помош.
Ова е првпат Македонија да остане без претставник на ММФ, и покрај тоа што во одредени периоди сме немале аранжамни со оваа институција.
