Министерството за здравство препорача да се внимава со изложување на најавената висока температура на воздухот, што, како што соопшти, може да има последици по здравјето кај некои лица.
„Се препорачува граѓаните да бидат внимателни, имајќи предвид дека изложеноста на повисока температура, без претходна постепена адаптација, создава чувство на поинтензивна топлина слична на таа во летните месеци и може да предизвика здравствени проблеми кај некои лица. Воедно, се препорачува хронично болните лица редовно да ја земаат пропишаната терапија“, се вели во соопштението од Министерството за здравство.
Според информации од Управата за хидрометеоролошки работи, од денеска до утре попладне се очекува температура повисока од вообичаената за овој период од годината на подрачјето на целата земја.
