!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Минимално намалување на трошоците за живот


       
Скопје, 7 декември, 2016 - 14:03 (META) 

Трошоците за живот во ноември се намалени за 0,2 отсто во однос на претходниот месец, а индексот на цените на мало бележи зголемување од 0,2 отсто, покажуваат податоците на Државниот завод за статистика.

Намалувањето на трошоците за живот е резултат на пониските индекси на свежото и разладеното овошје за 17 проценти, оризот за 8 проценти, компирот за 1,2 отсто, месото за 0,6 отсто, маслото и маснотиите за 0,5 отсто и замрзнатото овошје за 0,2 отсто.

Во ноември, исто така, намалување на индексите на трошоците за животот е забележано и кај авионскиот превоз на патници за 7,1 отсто, информатичката опрема за 1,7 отсто, книгите за 0,3 отсто, терапевтските помагала и услугите за култура за 0,2 отсто.

Зголемување на трошоците за живот во ноември, во споредба со претходниот месец, е
забележано кај свежиот и разладен зеленчук, освен компирот, за 3,2 проценти, јајцата за 0,9 отсто, шеќерот, џемот, медот, чоколадата и кондиторските производи за 0,8 отсто, полномасното млеко за 0,7 отсто и другите прехранбени производи за 0,3 отсто.