Германската конзервативна партија денеска постигна договор канцеларката Ангела Меркел да биде номинирана како нејзина кандидатка на изборите на 24 септември, без разлика на спорот за приливот на мигранти, соопштија денеска учесници на состанокот.
Христијанско-социјалната унија (ЦСУ), сестринска партија на Христијанско-демократската унија на Ангела Меркел (ЦДУ), претходно ја критикуваше канцеларката затоа што дозволила повеќе од милион бегалци да влезат во Германија во последните две години.
ЦДУ и ЦСУ се сретнале во Минхен за да дискутираат за изборна стратегија против Социјалдемократската партија на сојузните избори во септември.
Меркел и лидерот на ЦСУ, Хорст Зехофер, во текот на денот ќе го претстават заедничкиот план за изборите.
