Менаџментот на САСА и синдикатите ќе преговараат, блокадите прекинати


       
Македонска Каменица, 15 март, 2018 - 15:07 (META) 

Заради надминување на состојбата предизвикана од нелегалната блокада на пристапниот пат до рудникот САСА, менаџментот на рудникот ги повикал на разговор претседателoт на Сојузот на синдикатите на Македонија (ССМ), Дарко Димовски, претседателот на Мултиетничкит синдикат на образованието (МЕСО),  Драге Јовановски и генералниот секретар на Синдикатот на индустријата, енергетиката и рударството (СИЕР), Марија Анчева, информираат од компанијата.

Целта на средбата била да се изнајде решение, во согласност со Законот за работни односи, кое ќе овозможи продолжување на редовното функционирање на рудникот.

На состанокот бил потпишан протокол со кој страните се обврзале дека во рок од 20 дена, согласно регулативата, двата репрезентативни синдикати (СИЕР и МЕСО) ќе формираат заеднички тим за преговори со менаџментот на рудникот.

„Беше постигната и согласност за итен прекин на незаконската блокада на пристапниот пат кон рудникот САСА, за да се избегнат натамошните штети за компанијата и за сите нејзини 700 вработени. Притоа, менаџменот на рудникот уште еднаш нагласи дека тие остануваат подготвени да разговаат за сите барања на вработените во САСА, но исклучиво според процедурите предвидени со Законот“, велат од САСА.