This page was exported from Meta.mk [ http://meta.mk ]
Export date: Sat Nov 25 9:17:17 2017 / +0000 GMT

Меј ја обвини Москва за мешање во британските избори




Премиерката на Велика Британија, Тереза Меј ја обвини Москва дека се мешала во британските парламентарни избори, што се одржаа на почетокот на јуни, оваа година и дека вршела кибер-шпионажа, пренесува „Би-би-си“.

Во обраќање пред бизнисмените на собир во Лондон, Меј рекла дека владата на рускиот претседател, Владимир Путин се обидува да ги „поткопа слободните општества“.

Меј истакнала дека Русија „посејала лажни приказни“ за да го „ожнее неединството на Западот“.

Британските медиуми коментираат дека ваквите наводи на британската премиерка се во голема спротивност со оние на американскиот претседател, Доналд Трамп, кој минатата недела изјави дека му верува на својот руски колега, Владимир Путин, кој повторно истакна дека Русија не се мешала во претседателските избори во САД, минатата година.

Инаку, шефот на британската дипломатија, Борис Џонсон следниот месец треба да ја посети Русија.

Post date: 2017-11-14 10:17:45
Post date GMT: 2017-11-14 09:17:45
Post modified date: 2017-11-14 10:17:45
Post modified date GMT: 2017-11-14 09:17:45
Powered by [ Universal Post Manager ] plugin. HTML saving format developed by gVectors Team www.gVectors.com