fbpx

Меѓуресорска комисија ќе решава за судбината на електраните Чебрен и Галиште

-

На предлог на АД ЕЛЕМ, на денешната 65. седница на Владата била разгледана информацијата за текот и активностите за проектите за хидроелектраните Чебрен и Галиште. Притоа биле задолжени кабинетот на вицепремиерот Кочо Анѓушев и Министерството за економија да формираат меѓуресорска комисија, со претставници од повеќе министерства и државни претпријатија. Таа треба да подготви препораки за понатамошни активности за продолжување на проектот.

На денешната седница била разгледана и усвоена програмата за изменување на годишната инвестициона програма на хидросистемот „Злетовица“ и ребалансот на финансовиот план, а исто така разгледувале информација и донела заклучоци за кадровската екипираност на инспекциските служби, со план за нивно доекипирање.

На предлог на Министерството за култура министрите ја усвоиле предлог програмата за користење на средства за изградба на спомен обележје на Тоше Проески во Крушево со која средствата обезбедени во буџетот се префрлуваат на Општина Крушево.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...