Сиромаштијата е еден од најголемите проблеми со кои се соочуваат децата и нивните семејства. СОС-телефонот за деца и млади на детската амбасада „Меѓаши“ годинава регистрирал 146 деца потенцијални жртви, од кои повеќе од половина живеат на работ на егзистенцијата и не можат да го остварат своето право на образование.
Годинава само две деца се јавиле во детската амбасада Меѓаши да се информираат за своите права или да пријават некаков вид злоупотреба.
Според психолозите, потребно е да се зголеми свесноста дека децата имаат потреба од родителска грижа. Иако според бројот на пријави, сексуалната злоупотреба на децата годинава се најде на четвртото место, сепак ова е сериозен проблем кој не треба да се занемари од институциите.
