Маж на возраст од 44 години бил убиен утрово во продавница во крушевското село Свето Митрани, а едно лице е приведено во врска со случајот, извести Основното јавно обвинителство – Прилеп.
Телото било пронајдено во продавница во селото, а имало две прострелни рани во градниот кош. Настанот е пријавен во крушевската полиција, а потоа увид на местото извршиле дежурен јавен обвинител и увидна екипа од прилепската полициска станица. Потоа едно осомничено лице било приведено.
Јавниот обвинител наредил земање траги од местото на настанот и правење парафинска ракавица на убиениот и на осомниченото лице, како и вештачење на пронајденото оружје и на трите пронајдени чаури. Издадена е и наредба за обдукција на телото на убиениот.
