fbpx

Масовен протест во Солун, Грците порачаа „Македонија е една и грчка“

-

„Македонија е една и значи Грција“, „Македонија е свето грчко име“, „Решението е во граница со Србија“, „Оној што ќе го даде името Македонија ќе биде национален предавник“, се главните пораки кои беа упатени на денешниот протест во Солун за како што го рекоа демонстрантите, одбрана на Македонија.

На протестот покрај пристаништето се собраа околу 50.000 луѓе дојдени од сите градови од Грција кои вееја грчки и кипарски знамиња, слики со ликот на Александар Велики, како и тие на грчкиот регион Македонија.

Главното барање на протестот е во името на нашата земја, кое треба да биде договорено, да не се користи терминот „Македонија“, иако посредникот Нимиц вели дека Македонија ќе има во секое решение.

Организаторите кои се грчки здруженија и организации од дијаспората, а кои имаат поддршка, меѓудругото, и од политички партии, спортски и црковни здруженија, градоначалници и митрополити од различни општини, бараат организирање на референдум.

На денешната свечена литургија во црквата Свети Димитрија солунскиот митрополит Антимос, во 30 минутно обраќање порача дека „Скопје нема ни стара ни понова историја“.

– Скопје никогаш нема да биде прифатено во грчката народна свест со името Македонија, бидејќи нашата Македонија постои во срцата на Грците, како нераскинлив дел од нашиот национален суверенитет веќе 2.800 години. Скопје никогаш нема да може да го задржи името Македонија затоа што тоа им припаѓа на Грците – рече митрополитот Антимос.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...