Стотици илјади лица денеска излегоа на улиците на Барселона за да протестираат против плановите на регионалната каталонска влада да се отцепи од Шпанија.
Ова е најмасовниот протест против отцепувањето на просперитетниот регион од Шпанија, што ја доведе оваа европска земја на раб на национална криза.
Барселонската полиција соопшти дека на протестот учествувале околу 350.000 луѓе, додека организаторите на протестот, „Каталонското цивилно општество“, велат дека присуствувале околу 930.000 лица.
Присутните на протестот, кој се одржа под мотото „Доста е! Да се вразумиме!“, носеа шпански и каталонски знамиња и транспаренти, на кои беше испишано „Каталонија е Шпанија“ и „Заедно сме посилни“.
Spain's Rajoy Ready To Trigger "Nuclear Option" As Thousands Protest Against Independence In Barcelona https://t.co/go9utWgl3D pic.twitter.com/n7tV6Vjwiu
— Zarathustra (@zazelpop) October 8, 2017
– Каталонија и Шпанија се обединети пет векови. Никој и ништо не може да ги раздели – рече писателот нобеловец Марио Варгас Љоса, истакнувајќи дека денешниот протест е доказ дека голем број Каталонци се против независноста и превратот и дека ги поддржуваат Уставот, законите и правната држава.
Минатата недела во Каталонија се одржа референдум за независност, кој Уставниот суд на Шпаија го прогласи за нелегален. Референдумот мина во знакот на полициско насилство и со голем број повредени цивили и полицајци. Европската комисија во понеделникот соопшти дека референдумот за независност на Каталонија од Шпанија е нелегален, особено зашто излезноста била помала од 50 отсто.
I'm in Barcelona as the protest over Catalonia's independence cont. this is outside my hotel at 11am Sunday. pic.twitter.com/wTl5OhGReC
— Ashlee DeMartino (@AshleeDeMartino) October 8, 2017