fbpx

Македонија и Албанија се на добар пат кон ЕУ, оцени Хан

-

Западен Балкан врши притисок за отворање на вратата на Европската Унија и можно е на пролет Брисел да даде зелено светло за отворање пристапните преговори со Македонија и со Албанија, пишува австрискиот весник „Курир“.

Весникот наведува дека и самиот еврокомесар за проширување и добрососедска политика, Јоханес Хан, неделава на средба со новинарите од регионот потврдил дека Македонија и Албанија се на добар пат кон ЕУ.

Претседателот на Европската комисија, Жан Клод Јункер, неделава изјави дека ЕУ би можела да прими нови членки во 2025 година, но еврокомесарот Хан вели дека засега нема гаранции дека некоја земја ќе стане членка на Унијата во 2025 година. Тој смета дека поставувањето на конкретен рок може да биде опасно земјите до Западен Балкан кои нема да го стигнат рокот, па ќе останата да чекаат и да назадуваат.

Европската комисија во февруари треба да ја претстави стратегија за Западен Балкан за натамошно зајакнување на европерспективата и за неопходните реформи во регионот.

„Курир“ наведува дека бидејќи Македонија и Албанија се на добар пат, се очекува земјите да добијат позитивна оценка, која треба да обезбеди основа земјите членки на ЕУ да го отворат патот за започнување на пристапните преговори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...