This page was exported from Meta.mk [ http://meta.mk ]
Export date: Fri Nov 16 8:04:26 2018 / +0000 GMT

Македонија и Албанија ќе развиваат иновативен туризам во Полошкиот и регионот на Елбасан




Денеска во хотелот „Меркур“ во Тетово беше претставен новиот проект на Европската Унија за прекугранична соработка помеѓу Македонија и Албанија во областа на развојот на туризмот СТЕП.

Проектот за зајакнување на иновативниот туризам (СТЕП) ќе биде имплементиран од Фондацијата „Метаморфозис“ во соработка со Центарот за развој на Полошки плански регион и Советот на Округот Елбасан.

На промотивниот настан каде што покрај официјалните претставници на двата региона, носителите на проектот и десетици туристички претприемачи од двата региона, свои обраќања имаа градоначалничката на Тетово, Теута Арифи и словенечкиот амбасадор, Милан Јазбец.

Покрај размената на искуства, на настанот беа претставени потенцијалните придобивки од проектот за малите и средните претпријатија и другите релевантни јавни и приватни туристички субјекти од регионот на Елбасан во Албанија и Полошкиот регион во Македонија.

Фокусот на проектот е зајакнување на конкретниот потенцијал на тутристичката понуда преку иновативни пристапи и употребува на онлајн алатки со цел зајакнување на капацитетите, меѓуграничната соработка, креирање на подобри понуди и отворање кон нови пазари.

Воедно, овој настан беше почетна точка за креирање на СТЕП мрежа на туристички субјекти од двата региони.
Post date: 2018-03-15 15:24:04
Post date GMT: 2018-03-15 14:24:04
Post modified date: 2018-03-15 15:25:54
Post modified date GMT: 2018-03-15 14:25:54
Powered by [ Universal Post Manager ] plugin. HTML saving format developed by gVectors Team www.gVectors.com