fbpx

Лидерска средба за името утре во 13 часот

-

Премиерот Зоран Заев денеска во Струга најави дека во утре во 13 часот Клубот на пратеници во Скопје ќе се одржи лидерска средба на која тој ќе информира за преговорите за спорот за името и неговата средба со грчкиот премиер Алексис Ципрас во Софија.

На средбата, како што рече, очекува да се изгради консензус за ова прашање.

Заев појасни дека министерот за надворешни работи Никола Димитров веќе ги контактира сите поканети изразувајќи уверување дека сите ќе бидат присутни на средбата. Тој посочи и дека на вечерашната закажана средба со партиските лидери не е планирано да се разговара за прашањето околу името, појаснувајќи дека и процесот „Жан Моне“ е посветен на мошне важно прашање, така што целосно ќе биде посветена токму на тој процес.

Средбата доаѓа по вчерашните разговори на Заев со неговиот грчки колега Алексис Ципрас во Софија, по која Заев изјави дека е утврдена една опција што е прифатлива за двете страни, но дека за неа прво треба да се консултираат со сите релевантни фактори во своите земји.

Потоа вечерта во неколку медиуми се прошири информацијата, за која беше посочено дека потекнува од дипломатски извори, дека взаемно прифатливо решение за двете страни е Република Илинденска Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...