Тим на „Лексус“ развил прототип на лебдечка штица (ховерборд), налик на онаа од второто продолжение на филмскиот хит од 1980-тите „Враќање во иднината“, соопштиле вчера од компанијата, пренесува „Би-Би-Си“.
Во изработката на вистинска, реална лебдечка штица, која функционира, проектниот тим на „Лексус“ соработувал со експерти во технологијата на суперпроводници.
Како што соопштиле од компанијата за „Би-Би-Си“, нивниот тим користел магнетна левитација со суперпроводници, за чие ладење бил користен течен азот и перманентни магнети, за да се направи штица која ќе се движи без триење.
„Лексус“ ќе го тестира прототипот наредните неколку недели во Барселона.