!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

ЛДП побара оставка од Владимир Талески


       
Скопје, 24 март, 2017 - 18:39 (META) 

Што ли уште треба да се случи за градоначалникот на Битола, Владимир Талески, да си поднесе оставка од функцијата и да го ослободи градот од криминалот, корупцијата и од скандалите со кои ја разнебити Битола, праша денеска на прес-конференција претседателот на Либерално-демократската партија, Горан Милевски.

– Талески, за кого Специјалното јавно обвинителство најави и обвинителен акт за коруптивни тендери, со кој се проневериле 360.000 евра народни пари, и понатаму упорно си седи на градоначалничката фотелја. Актерот Талески се покажа како раритет, посебен примерок од политичарите на ВМРО-ДПМНЕ, кој остана единствениот споменат во „бомбите“ на опозицијата кој не си поднесе оставка. Дури и неговите ментори Груевски, Јанкулоска, Јанакиески си заминаа, но Талески сè уште се бори и не се дава – вели Милевски.

Милевски побара Талески да си поднесе оставка, да ја ослободи општината, бидејќи, според него, Битола и битолчани заслужуваат иднина, економски напредок, почист воздух и домаќинско управување.