Првиот разговор помеѓу претседателите на САД и на Русија, Доналд Трамп и Владимир Путин, помина добро на политичко и на лично ниво, бидејќи покажува заемна почит помеѓу двајцата лидери и желба за соработка, изјави шефот на руската дипломатија, Сергеј Лавров.
Според него, овој телефонски разговор покажал дека во низа области им се совпаѓаат интересите на нивните земји.
Тој додаде дека треба да биде усогласена временската рамка за понатамошни контакти на двајцата претседатели.
Лавров оцени дека контактите помеѓу стручњаците помеѓу Русија и САД, првенствено во борбата против тероризмот, треба да станат редовни штом Трамп ќе го формира кабинетот.
По разговорот помеѓу Трамп и Путин, Белата куќа соопшти дека тој бил позитивен и го означува „почетокот на подобрени односи помеѓу САД и Русија“.
