Генералниот секретар на ОБСЕ, Ламберто Заниер, денеска изрази загриженост поради одлуката на претседателот Ѓорге Иванов да не го додели мандатот на лидерот на СДСМ, Зоран Заев, за формирање влада.
„Загрижен сум поради развојот на настаните во Скопје. Владеењето на правото мора да надвладее. Следната недела ќе го посетам Скопје и ќе имам средби со претставници на власта, лидери на политичките партии и со претставници на граѓанското општество. Резултатите од декемвриските избори се цврста основа за формирање влада што ќе ги застапува интересите на сите граѓани“, напиша Заниер на „Твитер“.
Concerned about #Skopje developments. Rule of law must prevail. I’ll visit Skopje next week, meet officials, pol. leaders & civil society.
— lamberto zannier (@lamzannier) March 2, 2017
Concerned about #Skopje developments. Results of December elections are solid basis to forming government serving interest of all citizens.
— lamberto zannier (@lamzannier) March 2, 2017
Загриженост за одлуката на Иванов изразија и еврокомесарот Јоханес Хан и американскиот амбасадор Џес Бејли, кој повика македонскиот претседател да ја ревидира својата одлука, а соседите на Македонија да покажат воздржаност и конструктивност.