Против групата што во петокот попладнето го симна македонското знаме на плоштадот во Куманово и горе го закачи албанското, полицијата поднела кривични пријави.
Л.К. (21) и 17-годишно лице, двајцата од селото Слупчане, и две засега непознати лица, добија кривични пријави за предизвикување национална, расна и верска омраза, раздор и нетрпеливост и за напад врз службено лице при вршење работи на безбедноста. Имено, четворицата ги нападнале полицајците кои патролирале и побарале од нив да се легитимираат. Потоа двајцата, засега непознати, избегале.