Четириесет и шестгодишен жител на Свети Николе е осомничен дека минатиот месец на вработена во продавница ù подметнал фалсификувана банкнота од 200 евра.
Како што информираат од полицијата, осомничениот С.В. кон средината на септември, отишол во продавница во селото Пеширово и побарал од вработената да му замени 200 евра во денари. Таа отпрвин не забележала дека станува збор за фалсификат и му дала 12.200 денари, но наредниот ден решила валидноста на банкнотата да ја провери во банка. Оттаму потврдиле дека се работи за лажна банкнота и случајот веднаш бил пријавен во полиција.
По расчистувањето на случајот, против С.В. е поднесена кривична пријава за фалсификување пари.