This page was exported from Meta.mk [ http://meta.mk ]
Export date: Fri Nov 24 18:29:48 2017 / +0000 GMT

Кривична пријава за бившиот градоначалник на Василево, Ванчо Стојанов




Ванчо Стојанов (50), претходниот градоначалник на општина Василево, како и Л.Н. (44), в.д. директор на Јавното претпријатие „Турија“, добија кривични пријави за злоупотреба на службена положба и овластување и за помагање во такво кривично дело.

СВР Струмица ги товари за злоупотреба на машина на јавното претпријатие за насипување песок за улица во селото Едрениково, која не била во урбанистичкиот план.

Според пријавата, тогашниот градоначалник В.С. на 29 септември годинава побарал од в.д. директорот на јавното претпријатие следниот ден со машина на претпријатието да се насипе песок и да се направи улица, која според полицијата, била за трето лице и ја немало во урбанистичкиот план.

Л.Н., пак, без да изготви работен налог, испратил багерист да ја изврши задачата и потоа не изготвил фактура за работата, со што го оштетил јавното претпријатие, вели СВР Струмица.
Post date: 2017-11-14 16:56:45
Post date GMT: 2017-11-14 15:56:45
Post modified date: 2017-11-14 16:56:45
Post modified date GMT: 2017-11-14 15:56:45
Powered by [ Universal Post Manager ] plugin. HTML saving format developed by gVectors Team www.gVectors.com