fbpx

Кредитниот рејтинг на Македонија е намален од ББ+ на ББ

-

Агенцијата „Фич“ го намали кредитниот рејтинг на Македонија од ББ+ на ББ, објави „Ројтерс“.

Намалувањето на кредитниот рејтинг, како што пишува „Ројтерс“ се должи на објавувањето на големи обвинувања за корупција, што според агенцијата „Фич“, „се потврда за недостатоците во стандардите на добро владеење“.

Понатаму, како причина за намалувањето на кредитниот рејтинг се наведуваат и неуспехот на Договорот од Пржино од минатата година и неуспешните обиди да се одржат предвремени парламентарни избори во април и јуни оваа година.

Повеќемесечните протести, бојкотот на Парламентот од страна на опозицијата и опструкциите што во истрагите за корупција на високо ниво му се прават на Специјалниот јавен обвинител, исто така влијаеле врз намалувањето кредитниот рејтинг на државата.

Како резултат на политичката криза, во извештајот е нотирано и повлекувањето на депозитите од банките од страна на граѓаните во април, но и намалување на проекциите за бруто-домашниот производ од 3,6 на 2,5 проценти.

Изгледите за оценката на кредитниот рејтинг се повторно негативни, што во иднина ако ништо не се промени, кредитниот рејтинг може да падне до нивото ББ-.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...