„Шарената револуција“ вечерва ја обои зградата на МРТВ и му порача на јавниот сервис „Крај на програмата“. Фокусот на денешниот протест беше дека МРТВ е јавен сервис на граѓаните и дека негова задача е да работи професионално, а не партиски.
Демонстрантите напишаа „Крај на програмата“ и ја обоија зградата на Македонско радио #ШаренаРеволуција #Протестирам pic.twitter.com/VuEYiZnXCf
— META.mk (@meta_agency) May 7, 2016
Пред МРТВ, се обрати поранешниот претседател на Советот за радиодифузија, Зоран Стефановски, според кој, МРТВ е куќа на духови.
Зоран Стефановски рече дека МРТВ сокрива убиства, бомби, криминал #ШаренаРеволуција #П #Протестирам pic.twitter.com/p4vKGi4scq
— META.mk (@meta_agency) May 7, 2016
– Ова куќа сокрива и убиства, насилства, настани поврзани со 5 мај (минатогодишните протести по „бомбата“ за Мартин Нешковски), 24 декември (исфрлањето на новинарите и опозицијата од Собранието), но и „бомби“, криминалци и корупција. Сè што е негативна информација за тиранијата, тие ја сокриваат – истакна Стефановски.
Претседателката на Синдикатот на новинари, Тамара Чаусидис, истакна дека во оваа куќа ги научила основните постулати на професијата, но таму првпат го слушнала и мотото „Наведната глава, сабја не сече“. Таа се осврна и на лошите услови во кои работат хонорарците, но и искусните новинари, како и на притисокот што го трпат. Тие, според нејзе, повеќе не веруваат во тој систем.
Тамара Чаусидис: Во МРТВ освен професионализам научив наведната глава сабја не сече #ШаренаРеволуција #Протестирам pic.twitter.com/erVsZuDhDb
— META.mk (@meta_agency) May 7, 2016
Пред насобраните, беше пуштена и „бомбата“ што минатата година ја објави СДСМ, а во која, како што појасни тогаш лидерот на партијата, Зоран Заев, се слуша разговор меѓу поранешната министерка Гордана Јанкулоска и шефот на кабинет на поранешниот премиер, Мартин Протоѓер, преку кој се открива селективниот однос на власта кон медиумите, кои важат за блиски до нив и како се решаваат „кризни ситуации“ кога треба да се прикријат одредени информации.
Демонстрантите, на полицијата која го обезбедуваше објектот на јавниот сервис, им подарија црвени рози и им го честитаа Денот на полицијата.
Граѓаните им поделија рози на полицајците и им го честитаа Денот на полицијата #ШаренаРеволуција #П #Протестирам pic.twitter.com/Feu8cpE143
— META.mk (@meta_agency) May 7, 2016
Сепак, подоцна дојде до близок контакт меѓу демонстрантите и припадниците на безбедносните сили, бидејќи присутните граѓани се упатија кон лице за кое забележаа дека ги снима и ги фотографира, додека фрлаа боја кон зградата на Македонското радио. Побараа од него да се легитимира, го прашаа зошто снима, кој го пратил и од каде доаѓа. Лицето не одговори на овие прашања, само кажа дека не е новинар, туку дека „снима за приватни цели“, за потоа снимките да им ги продаде на одредени медиуми.
Граѓаните фатија лице кое скришно ги снима демонстрантите #ШаренаРеволуција #П #Протестирам pic.twitter.com/PYP5rX7byI
— META.mk (@meta_agency) May 7, 2016
Протестот заврши мирно и демонстрантите се разотидоа. Претходно, додека се движеа од почетната точка, односно од објектот на Специјалното јавно обвинителство, кон МРТВ, ја обоија позлатената ограда на мостот „Слобода“ и пред неа испишаа „Сиромаштија“.
Извици на „Оставка“, „Мафија на робија“ и „Дојдете со нас“ на протестиот марш на #ШаренаРеволуција #П #Протестирам pic.twitter.com/F7lD32r9x3
— META.mk (@meta_agency) May 7, 2016
Демонстрантите ја обоија оградата на „Мостот Слобода“ #ШаренаРеволуција #П #Протестирам pic.twitter.com/PEvDuiSsnz
— META.mk (@meta_agency) May 7, 2016
Демонстрантите носеа и транспарент, на кој пишуваше „Смрт за режимот, слобода за МРТВ“.
Музички шмек на вечерашните протести дадоа и „Белизе бенд“, кои исполнија две нумери, меѓу кои и последниот хит „Земјо Жмровска“. Тие побараа и симболично си добија субвенции за нивната музика, а парите рекоа дека ќе ги искористат „за светска турнеја и за настап во Панама“.
Граѓанската организација „Протестирам“ вечерва одржа протести во Струмица, Битола, Кочани и во Кичево.
Белизе бенд пред #МРТВ ја пее „Земјо Жмровска“ #ШаренаРеволуција #П #Протестирам pic.twitter.com/vp07f26edu
— META.mk (@meta_agency) May 7, 2016