!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Коцијанчич за „Мета“: Бугарски „Капитал“ го извади Хан од контекст


       
Брисел, 26 јануари, 2016 - 18:11 (META) 

Портпаролката на еврокомесарот за добрососедска политика и за проширување, Маја Коцијанчич, денеска за „Мета“ појасни дека изјавата на Јоханес Хан за бугарскиот весник „Капитал“ е извадена од контекст.

– Верувам дека изјавата е извадена од контекст. Позицијата на комесарот останува иста како во последното негово соопштение – изјави Коцијанчич за „Мета“.

Бугарскиот весник „Капитал“ на 22 јануари објави интервју со еврокомесарот, во кое на прашањето за изборите во Македонија, Хан изјавил: „За нас одлучувачко е изборите да се спроведат на фер, транспарентен и демократски начин. Не е важно дали сите ќе учествуваат, важен е квалитетот на изборниот процес. На оваа основа можеме да правиме следни чекори и да продолжиме напред“.

Еврокомесарот Хан на 18 јануари годинава соопшти дека се залага за консензуално решение од сите партии за датумот на изборите и да се обезбедат фер избори, во согласност со демократските стандарди.