Еклатантен пример на непочитување на законот преставуваат информациите дека и покрај завршувањето на рокот, СЈО продолжува со хајката на истражни дејствија и притисоци, изјави денеска на прес-конференција Дарко Костовски од ВМРО-ДПМНЕ.
-Катица Јанева не е овластена и нема надлежност да презема понатамошни дејствија во предистражни и истражни постапки за превземените предмети и материјалите за кои заклучно со 30 јуни не покрена обвинение, ниту има овластување и надлежност за отворање и водење на нови кривични постапки. Доколку Катица Јанева после 30 јуни презема понатамошни дејствија во предистражна и истражна постапка за превземените предмети и материјалите за кои заклучно 30 јуни не покрена обвинение, или отвора и води нови кривични постапки, сите преземени дејствија имаат третман на незаконски дејствија. Катица Јанева ќе го прекрши законот – вели Костовски.
Според ВМРО-ДПМНЕ, СЈО е должно сите нелегално прислушувани материјали веднаш и во законска процедура да ги уништи и за уништувањето на материјалите да состави записник.
