fbpx

Конференција за состојбата со ЛГБТИ-правата во Македонија низ призмата на евроинтеграциите

-

„Субверзивен фронт“ (С-фронт) по повод 17 мај, Меѓународниот ден за борба против хомофобија, трансфобија и бифобија (IDAHOBIT) организира конференција посветена на состојбата и на правата на ЛГБТИ-лицата во Македонија и прогресот во евроинтеграциските процеси на земјата.

Во рамки на конференцијата, акцент ќе се стави на усогласувањето на македонското со законодавството на ЕУ, примената и почитувањето на Европската конвенција за човекови права, како и препораките на Европскиот парламент и Европската комисија за зајакнување на антидискриминациските закони во земјата.

Во првиот дел од конференцијата, излагање за состојбата на ЛГБТИ-заедницата во Република Македонија ќе има активистот и претседател на „С-фронт“, Антонио Михајлов, како и холандскиот амбасадор Ваутер Пломп, кој ќе говори за начинот на кој Холандија, а и земјите-членки на ЕУ се справуваат со дискриминацијата и со говорот на омраза засновани на сексуалната ориентација и на родовиот идентитет, кои претставуваат горливи проблеми во македонскиот контекст.

Свое видување за состојбата и за придвижувањето на политичката сцена во борбата за ЛГБТИ-правата, кои истовремено се и основни човекови права, како и во борбата со дискриминацијата ќе говорат потпретседателот на СДСМ, Дамјан Манчевски, членката на извршниот одбор на ЛДП, Никица Корубин, извршниот директѕор на ХЕРА, Бојан Јовановски, и програмската асистентка на „С-фронт“, Викторија Бондиќова.

На крајот на конференцијата ќе биде доделена и наградата „Поддржувач на годината“, која се доделува на истакнати личности од јавниот и од политичкиот живот во Македонија за нивниот континуиран, значаен придонес во кампањата за еднакви права за ЛГБТИ-лицата.

Наградата „Поддржувач на годината“ се доделува вторпат. Минатата година, првата награда од овој тип му беше доделена на новинарот и ТВ-водител Огнен Јанески.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Забраната за примање невакцинирани деца во градинка во време на епидемија, не е дискриминација

Со објавата се шири паника и се обвинуваат здравствените власти, иако станува збор за стандардно постапување кое поради недоволен вакцинален опфат беше применувано и во 2019 година, кога имаше...