Комисијата за правосудство на американскиот Сенат едногласно ја одобри номинацијата на Кристофер Вреј за нов директор на Федералното истражно биро (ФБИ), јавуваат медиумите во САД.
Сите 20 членови на комисијата гласале за номинацијата на Вреј, кој по професија е адвокат, а во администрацијата на Џорџ Буш Помладиот ја вршеше функцијата помошник-министер за правосудство.
Американскиот претседател Доналд Трамп го номинираше Вреј за шеф на ФБИ минатиот месец, откако го отпушти претходниот директор на агенцијата, Џејмс Коми, за време на истрагата околу наводите за руско влијание на претседателските избори во САД.
Именувањето на Кристофер Вреј за нов директор на ФБИ треба да го потврди Сенатот.
