fbpx

Коалиционите партнери го поддржаа Груевски, но негодуваат за албанската платформа

-

Претседателот на ВМРО-ДПМНЕ, Никола Груевски, денеска одржа средба со лидерите на политичките партии од коалицијата „За подобра Македонија“, на која главна тема биле резултатите од предвремените парламентарни избори.

– Главна тема е анализата на изборните резултати, односно сите претставници на политичките партии ги предочија своите видувања околу ангажманите и резултатите и за сето она што се случи во Република Македонија на денот на изборите. Беа давани различни идеи како понатаму коалицијата да постапува, при што беше потврден целокупниот легитимитет и целокупната поддршка што претседателот на ВМРО-ДПМНЕ сега, како мандатар, ја има од коалицијата „За подобра Македонија“ – изјави Илија Димовски, член на извршниот комитет на партијата и пратеник.

Во врска со заедничката платформа на албанските партии и најавените преговори со ДУИ, Димовски истакна дека насоките за преговори се составен дел од изборната програма на ВМРО-ДПМНЕ и на коалицијата.

– Доколку ме прашувате во врска со позициите на ДУИ, би сакал да кажам дека ние ги соопштивме нашите ставови преку интервјуто на претседателот Никола Груевски. На денешната средба видливо беше негодувањето, особено од страна на претставниците на политичките партии што ги претставуваат помалите етнички заедници во врска со таа платформа и евентуално сведување на целата дискусија на некаков си бинационален дијалог помеѓу етничките заедници – рече Димовски.

Тој, сепак, не прецизираше кога ќе почнат преговорите со ДУИ за формирање влада.

– Роковите се јасни, така што мислам дека нема ништо спорно околу тоа – рече Димовски, притоа упатувајќи на информации од партиските прес-служби.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....