This page was exported from Meta.mk [ http://meta.mk ]
Export date: Sun Sep 24 19:33:54 2017 / +0000 GMT

Книга за Охридско Езеро од комедиографот Бранислав Нушиќ




Во издание на „Везилка 2011“, излезе од печат книгата на знаменитиот српски писател Бранислав Нушиќ „Покрај бреговите на Охридското Езеро“, чиешто прво издание е публикувано во Белград во далечната 1892 година. Ова издание на македонски јазик го преведе писателот Ристо Лазаров.

Станува збор за ретка книга, со повеќе белешки со кои се опишуваат Охридското Езеро и околината. Во предговорот кон книгата самиот Нушиќ наведува дека најмногу се служел со советите и со упатствата на Стојан Новаковиќ и на Љубо Ковачевиќ, во тоа време академици.

Бранислав Нушиќ шестпати патувал по крајбрежјето на Охридското Езеро и напишал книга записи која содржи драгоцени документи за животот во Охрид и во Охридско во тоа време, за разликите на Македонците од другите балкански народи, за етнографските и културно-историските богатства на овој крај. Нушиќ бил конзул и службеник во конзултатот на Србија во Битола, како и директор на Народниот театар во Скопје во времето на Кралството СХС.
Post date: 2017-09-11 10:52:17
Post date GMT: 2017-09-11 08:52:17
Post modified date: 2017-09-11 11:10:51
Post modified date GMT: 2017-09-11 09:10:51
Powered by [ Universal Post Manager ] plugin. HTML saving format developed by gVectors Team www.gVectors.com