Авион на либиската компанија „Африка ервејз“, кој летал од Себа до Триполи, е киднапиран и откако бил пренасочен кон Малта, слетал на островот.
Весникот „Тајмс оф Малта“ јавува дека во авионот „ербас а320“ со 118 луѓе, се наоѓаат двајца киднапери кои се заканиле дека ќе го разнесат леталото.
Малтешкиот премиер Џозеф Мискат на „Твитер“ напиша дека е информиран за „потенцијалното киднапирање“ и дека „безбедносните и спасувачки операции се подготвени“.
Весникот наведува дека киднаперот, кој тврди дека има рачна бомба, е приврзаник на убиениот либиски лидер Моуамер ел Гадафи и рекол дека е подготвен да го пушти сите патници од авионот доколку му бидат исполнети барањата. Засега не се знае што точно побарал киднаперот.
🔴#Libyan plane with 118 passengers on board lands in #Malta 'with two hijackers on board'
📸 pic.twitter.com/iwT52WWwaP— Mete Sohtaoğlu (@metesohtaoglu) December 23, 2016
