Кичевецот Е.М. (20) ограбил џип со американски регистарски таблички, од кој одзел 9.450 евра и 4.720 американски долари, поголем број златни синџири и друг златен накит, како и четири патни исправи.
Поради постоење основан сомнеж дека извршил кражба, полициската станица од Кичево му поднесе кривична пријава.
Пријавениот, на 28 јули годинава, од возилото одзел кожена женска чанта, со што стекнал противправна имотна корист од околу 1.000.000 денари.
Кражбата се случила во ноќните часови на паркиралиште на улицата Маршал Тито во Кичево, во близина на угостителски објект.
Џипот „чироки“ бил оставен незаклучен, од сопственикот, жител од селото Колибари.
Во моментот на претресот, кај Е.М. пронајдени се 4.100 американски долари, а при извршениот претрес во неговиот дом пронајдени се и другите пари и златни предмети.
Дополнително, пронајдени се и патните исправи што пријавениот ги сокрил во близина на куќа на улицата Маршал Тито.
