Владата денеска го усвои фактографскиот преглед на статусот на имплементација на мерките предвидени во планот „3-6-9“ и ги задолжи сите засегнати министерства и Генералниот секретаријат да ги прегледаат препораките од Извештајот на групата високи експерти предводена од Рајнхард Прибе, соопшти владината прес-служба.
Доколку министерствата и Генералниот секретаријат проценат дека дел од препораките не се соодветно адресирани во одредниците 6 и 9 од планот „3-6-9“, се предлага да ги дополнат и да ги достават до Секретаријатот за европски прашања најдоцна до 10 октомври оваа година.
Владата на денешната седница, исто така, го задолжила кабинетот на премиерот да се консултира со кабинетот на претседателот на Собранието за моделот за консултација со опозицијата по однос на планот „3-6-9“ и заедно со Секретаријатот за европски прашања да организира консултативна средба со репрезентативен број граѓански организации во однос на реализацијата на планот „3-6-9“.
