Советот за оценка на обвинителниот акт на Кривичниот суд во Скопје, во целост го одборил обвинението за случајот „Пуч“, и истовремено ги одбил приговорите на одбраната на обвинетите, меѓу кои е и лидерот на опозцијата, Зоран Заев, како неосновани, соопшти денеска Основниот суд Скопје 1.
„Советот во одлучувањето утврди дека делата што се предмет на обвинителниот акт се кривични дела предвидени во Кривичниот законик и приложени се докази во прилог на обвинението. Воедно, советот имаше предвид и дека одбраната поднесе обемна листа докази, а усното образложение на приговорите претставува и делумна одбрана на обвинетите, што за советот претставува уште еден аргумент во прилог на одлуката да се закаже јавна, главна и усна расправа, на која во контрадикторна постапка ќе се решаваат прашања што се предмет на испитување и на оцена на главна расправа“, стои во соопштението на судот.
Оттаму додаваат дека „по распоредување на обвинителниот акт кај надлежен судија ќе биде закажан термин за главна расправа“.
