fbpx

„Катимерини“: Македонија почна да крева ограда на границата со Грција

-

Македонија крева ограда на границата со Грција за да се справи со напливот на бегалци и на мигранти кои се насочени кон Централна Европа, јавува грчкиот весник „Катимерини“.

Советот за безбедност на Македонија викендов оцени дека можно е да се подигне ограда на границата со Грција, доколку не се намали напливот на мигрантите и нареди веднаш да се почнат подготовки на теренот.

„Советот за безбедност истакнува дека поставувањето на оградата не би било во насока на затворање на границата, туку за канализирање и за ограничување на протекот, во согласност со бројот на мигранти што ќе ги прифатат државите во Европа кон кои тие се упатуваат“, стои во соопштението.

Според Христос Гутенудис, градоначалникот на Кукуш, во близина на границата со Македонија тврди дека градежните работи веќе течат.

– Машините веќе почнаа со работа од другата страна на границата – изјави Гутенудис.
Оградата ќе биде поставена спроти малиот град Идомени и брегот на реката Вардар и тоа во должина од 1,5 километар.

Весникот наведува дека македонските власти брзаат да ја постават оградата пред северните земји да ги затворат своите граници. Унгарија и Словенија веќе поставија ограда на границата со Хрватска, додека официјален Загреб се закани дека ќе подигне ограда на границата со Србија.

Грчките медиуми јавуваат дека на границата во вторникот се собрале 4.600 бегалци и мигранти, а во средата пристигнале околу 5.000 лица.

Според податоците на македонското МВР, во последните 24 часа во Македонија влегле 3.458 бегалци и мигранти, од кои 1.638 Сиријци, 860 Авганистанци, 478 Ирчани. Другите се во помал број.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...