Кошаркарот на Голден Стејт ќе го подари дресот со кој настапуваше на годинешното финале во НБА во музејот на Дражен Петровиќ, со што ќе го исполни ветувањето што ѝ го дал на мајката на Дражен, Бисерка, пред повеќе од 20 години.
– Ќе ми биде чест мојот дрес да се најде во музејот на легендарниот Дражен – изјави Кари.
Кари ја запознал Бисерка кога имал четири години на Олстар-викендот во Орландо во 1992 година. Таткото на Стеф, Дел Кари, кој тогаш бил најпрецизен тројкаш во НБА-лигата, се натпреварувал против Дражен Петровиќ во натпреварот за тројки. Покрај паркетот, мајката на Дражен, Бисерка, го чувала малиот Стеф Кари.
Во знак на сеќавање на еден од најдобрите кошаркари на сите времиња, Кари одлучил во Хрватска да го испрати својот дрес од финалето во НБА-лигата.
