fbpx

Караџовски: Нова „Михајлова“ ќе бараме меѓу постојните кандидати или на нов конкурс

-

Судијката Татјана Михајлова, неотповикливата оставка на функцијата в.д. претседател на Основниот суд Скопје 1, ја даде без конкретно образложение за причините, изјави денеска претседателот на Судскиот совет, Зоран Караџовски.

– За причините секој може да нагаѓа и да шпекулира кои се, како јас, така и вие – изјави Караџовски.

Претседателот на Судскиот совет рече дека се бара најсоодветното решение по оставката на Михајлова и дека сè додека Советот формално не ја прифати оставката на седница, судијката ќе го има статусот „в.д. претседател во оставка“.

Караџовски рече дека за евентуалното решение можни се три опции.

– Во моментов немаме конкретно решение, но има неколку опции: именување на нов в.д. претседател или спроведување на изборот на претседател од веќе постоечките кандидати, но и можност да се распише нов оглас за избор на претседател на Кривичниот суд – изјави Караџовски.

Судијката Михајлова ја поднесе оставката откако Врховниот суд поништи седум од прераспоредувањата што таа ги направи со новиот годишен распоред. Поради прераспоредувањата на судии од еден оддел во друг, голем број предмети на кои работеле овие судии се одложуваат.

– Знам дека дел од предметите се одложуваат, директно Судскиот совет не може да влијае и да закажува судење и слично, и затоа постојано, уште од добивањето на писмениот поднесок со оставката на колешката Михајлова, бараме најсоодветно решение, кое ќе биде и во интерес на Кривичниот суд, на судиите од тој суд и на граѓаните – рече денеска Караџовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...