Министерот за одбрана, Зоран Јолевски, во рамките на работната посета на САД се сретна со заменик-помошникот на државниот секретар, Хојт Брајан Ји, соопштија од Министерството за одбрана.
На средбата министерот Јолевски информирал за реформите во одбраната, за модернизација на АРМ, која е целосно во согласност со НАТО-стандардите, за учеството на припадниците на АРМ во мисиите на НАТО и во други мировни мисии.
На средбата Јолевски истакнал дека интеграцијата на Македонија во НАТО е значајна како за стабилноста на земјата, така и за регионот и пошироко, и затоа е потребно да ѝ се упати покана за членство во НАТО.