fbpx

Јавноста е целосно информирана за средбата на Заев и Ципрас во Давос, велат од Владата

-

Јавноста беше целосно информирана за билатералната средба меѓу премиерите на Македонија и на Грција, Зоран Заев и Алексис Ципрас во Давос и за демонстрираната добра волја од двете страни. Соопштението на Владата доаѓа по реакциите на опозициската ВМРО-ДПМНЕ, но и по изјавата на шефот на грчката дипломатија Никос Коѕиас дадена за „Еуроњуз“.

„На билатералната средба меѓу премиерите на Македонија и на Грција, Зоран Заев и Алексис Ципрас на Економскиот форум во Давос, за прв пат после две децении се откочија процесите кои водат кон достоинствено решение на отворените прашања на Република Грција и Република Македонија како две соседни европски земји. За демонстрираната добра волја од двете страни јавноста беше целосно информирана“, стои во соопштението на владината прес-служба.

Во него се наведува дека изнаоѓањето взаемно прифатливо решение е можно и за таа цел во тек е преговарачки процес.

„Потребна е добра волја и компромис од двете страни да се дојде до решение кое ќе ги почитува достоинството и идентитет на граѓаните на двете држави. За секој следен значителен исчекор во текот на преговорите јавноста ќе биде повторно целосно информирана“, се додава во соопштението.

Од ВМРО-ДПМНЕ денеска реагираа дека „во земјата владее целосен мрак за тоа што договорил Заев во Давос на средбата со Ципрас“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...