fbpx

Јанкулоска побара и доби одлагање на распитот во СЈО заради увид во доказите против неа

-

Поранешната министерка за внатреши работи, Гордана Јанкулоска во Специјалното јавно обвинителство, каде денеска беше повикана да даде исказ, се задржа само половина час. Како што соопшти Јанкулоска, таа и нејзиниот адвокатски тим побарале одложување на распитот бидејќи, како што рече, не биле исполнети минималните услови и „процесно-правни стандарди“. Како што појасни, таа побарала да и бидат дадени на увид доказите и документите врз основа на кои е осомничена за да знае за што точно се товари.

Поранешната министерка не кажа за кој точно случај денеска била повикана даде исказ и само изјави дека станува збор за предет за кој на минатиот распит дала изјава („Тврдина“ н.з.).

Јанкулоска рече дека повикувањата на лица што сега ги прави СЈО се избрзани и се во функција на предвремените избори.

– Јас од поодамна се занимавам со политика, свесна сум дека ова што сега се случува е можеби набрзина направено од СЈО во контекст на изборите. Како што јавноста во повеќе наврати беше сведок и медиумите коментираа дека се целосно ставени во корист на кампањата на опозицијата која и покрај толку години во опозиција нема што да им понуди на граѓаните на Република Мекедонија и очигледно е дека најважна алатка за претстојните парламентарни избори останува да биде СЈО. Така, во периодот што следува очекуваме да се случуваат вакви расправи како што впрочем го најавија и самите претставници на обвинителството – рече Јанкулоска.

Одговарајќи на новинарско прашање Јанкулоска уште еднаш изјави дека не се чувствува виновна и дека не сторила некакво кривично дело и во деветте години што ја извршувала  функцијата министер за внатрешни работи работела професионално, согласно законите и Уставот и во корист на граѓаните на државата.

Јанкулоска рече дека не и недостасува министерската функција и  дека „одлично се чувствува“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...