fbpx

Јанкулоска доби аболиција и докторат, а судијата што ја сослушуваше уште боледува

-

Судијата на претходна постапка што го водеше предметот за случајот „Тврдина“ е сè уште на боледување, потврдуваат за „Мета“ од Кривичниот суд во Скопје, откако пред точно 20 дена му се слоши за време на сослушувањето на осомничените во случајот, меѓу кои и поранешната министерка за внатрешни работи, Гордана Јанкулоска.

Кога судијата ќе се врати на работа, од судот не можат да потврдат.

Во меѓувреме, осомничената Јанкулоска, како и повеќемина нејзини сопартијци и функционери за кои се водеа кривични постапки, беше аболирана од претседателот на државата, Ѓорге Иванов, а завчера ексминистерката и свечено беше промивирана во доктор на науки на Факултетот за безбедност при Универзитетот „Свети Климент Охридски“ во Битола.

Група млади битолчани со герила-акција ѝ го честитаа докторатот на Јанкулоска со транспарент „Честито аболиција“ за време на свеченоста во ректоратот на битолскиот универзитет.

Јанкулоска е третоосомничена во случајот „Тврдина“ што Специјалното јавно обвинителство го отвори против пет лица, осомничени дека минатата година ги уништиле системите во МВР од нелегалното следење на комуникациите, вредни 10 милиони евра.

Првоосомничен во случајот е началникот на Петтата управа на УБК, Горан Грујовски, кој, исто како Јанкулоска и другите осомничени, е аболиран од Иванов.

Од судот велат дека во согласност со одлуката на претседателот Иванов, понатамошната кривична постапка за случајот „Тврдина“ треба да биде запрена.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...