fbpx

Јанева: Влеговме во УБК со судски налог за да видиме кој прислушувал

-

Специјалната јавна обвинителка, Катица Јанева, денеска со својот тим влезе во Управата за безбедност и контраразузнавање и најави дека оттаму нема да излезе сè додека не си ја заврши работата.

– Влеговме во Управата за безбедност и контраразузнавање за конечно да се дознае кој прислушувал, дали УБК или странските служби – изјави денеска пред зградата на МВР специјалната јавна обвинителка, Катица Јанева.

Јанева рече дека соработката со УБК одела многу тешко.

– Влеговме во УБК за да ги земеме наредбите за сите оние за кои се издадени ПИ-мерки и целиот материјал кој е снимен во периодот од 2008 до 2015 година. Сега сме тука со судски налог, затоа што од 8 март наваму чекавме доброволно да ни ги предадат документите за прислушувањето, но одбиваа. Моментално работиме за тоа да дознаеме кој прислушувал, дали УБК или странски служби. Тука е присутен и Чавков (директорот на Бирото за јавна безбедност, Митко Чавков н.з.) иако не знам по која основа. Соработката оди тешко, но јас со мојот истражителски тим ќе останеме тука додека не ја завршиме работата – изјави Јанева.

Таа рече дека ќе работат и на смени, дека во УБК моментално се тројца, но очекува наскоро да им се приклучат повеќе обвинители.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...