Катица Јанева во интервјуто за телевизија „24 Вести“ рече дека таа сама се предложила да биде специјална јавна обвинителка и дека конкурирала и контактирала со „адекватните луѓе“. Јанева верува дека таа и тимот ќе имаат доволно капцитет да се справат со предметите што ќе бидат под нејзина надлежност.
– Со изборот бев и јас изненадена. Лично, со своја волја, конкурирав и контактирав со адекватните луѓе со кои сметав дека треба да контактирам и сега и јас сум малку изненадена од изборот, но и почестена – рече Јанева во првото интервју откако беше именувана за специјална јавна обвинителка.
