fbpx

Јанева: 12 часа тапкаме во место, УБК не ни дава пристап до податоците

-

Веќе 12 часа сме присутни во Управата за безбедност и контраразузнавање и сè уште тапкаме во место, немаме пристап до документите за кои добивме судска наредба, рече специјалната јавна обвинителка Катица Јанева, која денеска, во 1 часот по полноќ, даде изјава за медиумите пред Министерството за внатрешни работи.

– Ние нема да си одиме сè додека не постапиме по судските наредби. Јас ќе бидам цела вечер тука сè  додека можам да издржам – изјави Јанева.

Таа додаде дека е разочарана од односот на раководството во УБК, како и од директорот на Бирото за јавна безбедност, Митко Чавков, кој постојано бил до обвинителите и до истражителите, под изговор дека се грижел за полицајците, а дополнителниот заменик министер Оливер Андонов воопшто не се ни поздравил со тимот од СЈО.

Специјалната јавна обвинителка рече и дека се организирани во повеќе групи за дежурства и дека ако треба, ќе останат и до 1 јануари следната година за да ги добијат бараните документи.

Обвинителката Ленче Ристовска објасни дека вчера добиле наредба од Основниот суд Скопје 1 за да ги добијат сите податоци за броевите што биле маркирани во УБК и за кои се сомневаат дека се во моменталните системи во управата.

– Наша цел е да видиме дали се таму. На наше жалење, раководните органи велат дека немаат ни технички, ни човечки ресурси  за да може да пристапиме во системите за прислушување – рече Ристовска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...